Սիրիայի և Իրանի նախագահներ Բաշար Ալ-Ասադը և Էբրահիմ Ռայիսին հեռախոսազրույց են ունեցել, որի ընթացքում քննարկել են երկկողմ համագործակցությունը և այն ընդլայնելու հեռանկարները: Տեղեկությունը փոխանցում է սիրիական SANA լրատվամիջոցը:
Նախագահները միմյանց շնորհավորել են իսլամական Էյդ Ալ-Ադհա տոնի կապակցությամբ՝ սիրիա-իրանական հարաբերություններին և երկու երկրների ժողովուրդներին մաղթելով շարունակական բարգավաճում:
Զրուցակիցները մտքեր են փոխանակել նաև համատեղ հետաքրքրության այլ հարցերի, ինչպես նաև տարածաշրջանային և միջազգային հիմնախնդիրների շուրջ:
Հետևեք մեզ տելեգրամում
