Երեկ Մոսուլ քաղաքում թուրքական ԶՈՒ-ի հրթիռակոծության հետևանքով տուժել է հինգ մարդ: Տեղեկությունը փոխանցում է Al Arabiya-ն:
Նշենք, որ Քուրդիստանի հակաահաբեկչական ծառայությունն իր հերթին տեղեկացրել էր, որ թուրքական ավիահարվածների թիրախում են հայտնվել Քուրդիստանի բանվորական կուսակցության(PKK) 4 զինյալներ, վիրավորվել է ևս մեկը:
Տեղեկացնենք, որ PKK -ն Թուրքիայում համարվում է ահաբեկչական կազմակերպություն, որի դեմ գործողությունները ընթանում են թե՛ Թուրքիայի ներսում, թե՛ Թուրքիայի սահմաններից դուրս:
Թուրքական լրատվամիջոցները տարիներ շարունակ պնդում են, որ PKK-ի գլխավոր ռազմաբազան գտնվում է Հյուսիսային Իրաքում՝ Քանդիլում: Վերջերս Թուրքիայի զինված ուժերը նոր ռազմական գործողություն են սկսել Հյուսիսային Իրաքում քուրդ զինյալների դեմ:
Հետևեք մեզ տելեգրամում
