«Իսլամական պետություն» ահաբեկչական կազմակերպության առաջնորդը պայթեցրել է ինքն իրեն Սիրիայի հարավում՝ կառավարական զորքերի կողմից շրջապատված լինելուց հետո: Տեղեկությունը հայտնում են սիրիական պետական լրատվամիջոցները՝ վկայակոչելով անվտանգության աղբյուրներին:
Պաշտոնական SANA լրատվական գործակալությունը հաղորդել է, որ Սիրիայի անվտանգության ուժերը «հատուկ գործողություն» են իրականացրել Դարաա շրջանում, որն էլ հանգեցրել է «ահաբեկիչ Աբու Սալեմ Ալ-Իրաքիի» սպանությանը։
Գործակալությունը մանրամասնել է, որ ահաբեկիչ առաջնորդը պայթեցրել է ինքն իրեն, երբ շրջափակվել և վիրավորվել է:
Հաղորդվում է նաև, որ Աբու Սալեմ Ալ-Իրաքին եղել է ԻՊ-ի՝ Սիրիայի հարավում գործող մասնաճյուղի ռազմական ղեկավարը: Նա թաքնվել էր այդ տարածքում դեռևս 2018 թվականից և կազմակերպել սպանություններ և հարձակումներ:
Հետևեք մեզ տելեգրամում
