Երեկ Իրաքի վարչապետ Մուստաֆա Կազեմին պաշտոնապես մեկնարկել է Մոսուլի միջազգային օդանավակայանի վերակառուցման գործընթացը:
Կազեմին օդանավակայանի վերակառուցման պաշտոնական արարողության ժամանակ դրել էր վերակառուցման հիմնաքարը:
«Մոսուլը ժամանակակից համակեցության քաղաք է և մենք շուտով մեկնարկելու ենք Ալ-Նուրի մզկիթի վերակառուցման նախագիծը»,- ավելացրել է Իրաքի վարչապետը:
Օդանավակայանի տնօրեն Հայդեր Ալին իր հերթին հայտնել է, որ վերակառուցումն իրականացնելու է երկու թուրքական ընկերություն: Նախատեսվում է, որ վերակառուցման գործընթացը կտևի 24 ամիս։
Նշենք, որ քաղաքի հյուսիսային հատվածն ավերվել էր դեռևս 2017 թվականին, երբ իրաքյան զինված ուժերը ԱՄՆ-ի գլխավորած կոալիցիայի աջակցությամբ վերագրավեց Մոսուլը «Իսլամական պետություն» ահաբեկչական կազմակերպությունից:
Օդանավակայանը, որն ամենաշատն էր տուժել մարտերի ժամանակ, ահաբեկիչների գրավումից հետո չէր շահագործվել:
Հետևեք մեզ տելեգրամում
