Իսրայելի պաշտպանության նախարար Բեննի Գանցը մեղադրել է Իրանին պաղեստինյան «Իսլամական ջիհադ» շարժմանը միլիոնավոր դոլարներով ֆինանսավորելու մեջ:
«Մինչ աշխարհը ականատես էր «Իսրայելի և Գազայի միջև հերթական էսկալացիային», ես կանգ առա ընդգծելու. Իրանի այաթոլլաները ներգրավված են այս ճակատում: Գազայում «Իսլամական ջիհադը» Իրանի լիազորն է», – հայտարարել է Գանցը՝ Թել Ավիվում Կիպրոսի իր գործընկերոջը հյուրընկալելիս:
«Նրանց ղեկավարությունն այցելում է Իրան և հաճախակի հանդիպում իրանցի առաջնորդների հետ: «Իսլամական ջիհադը» Իրանում բացահայտ հանգույց ունի»,- ավելացրել է Գանցը:
Հիշեցնենք, որ նախորդ շաբաթ՝ ուրբաթից կիրակի ընկած ժամանակահատվածում «Իսլամական ջիհադ» շարժումը 1175 հրթիռ էր արձակել Իսրայելի ուղղությամբ: Համաձայն Իսրայելի ՊՆ-ի՝ հրթիռներից 200-ը ընկել էր Գազայի հատվածում:
Հետևեք մեզ տելեգրամում
