Պաշտոնական Թեհրանը Իրաքի բոլոր քաղաքական հոսանքներին խորհուրդ է տալիս հարգել երկրի սահմանադրություն: Այս մասին մամուլի ասուլիս ժամանակ հայտարարել է Իրանի ԱԳՆ մամուլի խոսնակ Նասեր Քանանին՝ անդրադառնալով Իրաքի վերջին զարգացումներին:
«Իրաքի հարցերը մեզ համար շատ կարևոր են։ Մենք ուշադիր հետևում ենք այս երկրի զարգացումներին և իրաքյան տարբեր քաղաքական հոսանքների հետ ընկերական և կառուցողական շփման միջոցով փորձում ենք օգնել»,- Քանանիի խոսքերը մեջբերել է IRNA լրատվամիջոցը:
Անդրադառնալով Իրան-Սաուդյան Արաբիա բանակցությունների նոր փուլի անցկացման հեռանկարին՝ Քանանին հայտնել է, որ նախորդ բանակցությունների արդյունքներն ընդհանուր առմամբ գոհացուցիչ են, և հիմք կա բանակցությունների նոր փուլի անցկացման համար:
Հետևեք մեզ տելեգրամում
