Իրանի ազգային անվտանգության բարձրագույն խորհրդի նիստի ընթացքում Վիեննայում Իրանի գլխավոր բանակցող Ալի Բաղերին խորհրդի անդամներին է ներկայացրել ընդարձակ զեկույց՝ միջուկային պատժամիջոցների վերացման բանակցությունների մասին։
ISNA-ի փոխանցմամբ՝ նիստը վարել է Իրանի նախագահ Էբրահիմ Ռայիսին:
Բաղերին հայտնել է, որ փորձագիտական եզրակացությունների ամփոփումը վերջնական փուլում է։ Նա լիարժեք պարզաբանումներ է տվել վերջին բանակցություններում Եվրամիության ներկայացուցիչ Էնրիկե Մորայի առաջարկած գաղափարների բովանդակության վերաբերյալ, և նշել է, որ Իրանի տնտեսական շահի կայունությունն ապահովելու համար անհրաժեշտ երաշխիքների ստացումը եղել է Վիեննայի բանակցությունների առանցքում։
Հետևեք մեզ տելեգրամում
