Սիրիայի Տաֆաս քաղաքում ոչնչացվել է «Իսլամական պետություն» ահաբեկչական կազմակերպության առաջնորդը։
Տեղեկությունը փոխանցում է SANA-ն՝ վկայակոչելով անվտանգության աղբյուրները:
«Անվտանգության ուժերը հատուկ գործողություն են իրականացրել Դարա նահանգի Տաֆաս քաղաքում, որի ընթացքում ոչնչացվել է ահաբեկիչ Մահմուդ Ահմադ Ալ-Հալլաքը՝ Աբու Օմար Ալ-Ջաբաբի մականունով, ով հարավային շրջանի ամենավտանգավոր ահաբեկիչներից մեկն էր»,- գրել է SANA-ն:
Աղբյուրների փոխանցմամբ՝ ահաբեկիչ Ալ-Ջաբաբին եղել է Յարմուկի ավազանում ԻՊ-ի նախկին առաջնորդը և այնտեղի ուսումնական ճամբարների պատասխանատուն: Նա աշխատում էր վերջրես սպանված ահաբեկիչ Աբու Սալեմ Ալ-Իրաքիի հետ:
Հետևեք մեզ տելեգրամում
