Իսրայելը և Թուրքիան կվերականգնեն դիվանագիտական հարաբերությունները՝ փոխանակելով դեսպաններին և գլխավոր հյուպատոսներին: Տեղեկությունը փոխանցում է «Israel national news» լրատվամիջոցը:
Երկկողմ հարաբերությունների վերականգնման որոշումը կայացվել է Իսրայելի ժամանակավոր վարչապետ Յաիր Լապիդի և Թուրքիայի նախագահ Ռեջեփ Թայիփ Էրդողանի զրույցից հետո։
«Հետևելով վարչապետ Յաիր Լապիդի՝ Անկարա կատարած այցի ընթացքում Թուրքիայի արտգործնախարար Մևլութ Չավուշօղլուի հետ ձեռք բերված փոխըմբռնմանը և Թուրքիայի նախագահ Էրդողանի և վարչապետ Լապիդի զրույցին, ինչպես նաև Իսրայել-Թուրքիա հարաբերություններում վերջին մեկ տարվա ընթացքում գրանցված դրական զարգացումներին՝ երկու երկրները որոշել են լիարժեք վերականգնել դիվանագիտական հարաբերությունները»,- նշված է Իսրայելի վարչապետի գրասենյակի տարածած հայտարարության մեջ:
Համաձայն հայտարարության՝ հարաբերությունների բարելավումը կնպաստի երկու ժողովուրդների միջև հարաբերությունների խորացմանը և տարածաշրջանային կայունության ամրապնդմանը:
Հետևեք մեզ տելեգրամում
