Արդեն երրորդ ամիսն է, ինչ Իրանում շարունակում են դատապարտել Ադրբեջանի իշխանությունների ճնշումները երկրի շիա մուսուլմանների նկատմամբ:
Իրանական «Farse news»-ի մի խումբ օգտատերեր կոչ են արել աջակցել Ադրբեջանի շիաներին։
Այս օգտատերերը նոր արշավ են սկսել համացանցում՝ պահանջելով դադարեցնել Ադրբեջանում շիաների նկատմամբ կիրառվող խտրականությունն ու ճնշումները:
Մասնավորապես տարածվել են հետևյալ թեզերը.
- «Ադրբեջանի իշխանության վրա սիոնիստական զավթիչ ռեժիմի տեղեկատվական և մշակութային ազդեցության աճով շատացել են այս երկրի շիաների նկատմամբ իրականացվող ճնշումները և հանցագործությունները։
- Սիրիայում խիզախորեն մարտնչած Ադրբեջանի հոսեյինական մոջահիդները ներկայումս խոշտանգումների են ենթարկվում սիոնիստների կողմից Ալիևի ռեժիմի բանտերում»։
Ավելի վաղ Region Monitor-ը տեղեկացրել էր, որ Իրանում տևական ժամանակ է՝ դատապարտում են Ադրբեջանում բնակվող շիաների նկատմամբ իշխանությունների հալածանքները և բռնությունները: Լայնածավալ դատապարտումներին նպաստեց այն միջադեպը, երբ Ադրբեջանի «Մուսուլմանական միություն» շարժման առաջնորդ Թալեհ Բաղիրզադեն հացադուլ էր սկսել՝ բողոքելով ոստիկանների կողմից հավատացյալներ նկատմամբ կիրառվող շարունակական բռնության ու Ալլահին վիրավորելու դեմ: Նրա հացադուլին միացել էին մի շարք այլ բանտարկյալ հավատացյալներ:
Հետևեք մեզ տելեգրամում
