Սիրիայի արտգործնախարար Ֆեյսալ Միկդադը ռուս պաշտոնակից Սերգեյ Լավրովի հետ հանդիպման ժամանակ նշել է, որ ռուս-սիրիական հարաբերությունները զգալի առաջընթաց են արձանագրել:
«Սիրիայի կողմից Դոնեցկի Ժողովրդական Հանրապետության և Լուգանսկի Ժողովրդական Հանրապետության ճանաչումը հիմնված է պատմական սկզբունքների և փաստերի վրա, իսկ առաջիկա օրերին երկու հանրապետությունների հետ տեղի կունենա դիվանագիտական առաքելությունների փոխանակում»,- ասել է Միկդադը։
Լավրովն իր հերթին ընդգծել է Մոսկվայի շարունակական աջակցությունը Սիրիային ահաբեկչության դեմ պայքարում։ Նա խստորեն դատապարտել է Սիրիայի տարածքների նկատմամբ Իսրայելի «հարվածների վտանգավոր պրակտիկան»:
Ռուս արտգործնախարարը նշել է, որ արևմտյան երկրները գաղութային ագրեսիվ քաղաքականություն են որդեգրել Մերձավոր Արևելքի նկատմամբ՝ ավելացնելով, որ գլոբալ զարգացումներն ավելի են բարդանում միաբևեռ աշխարհ ստեղծելու Վաշինգտոնի քաղաքականության պատճառով։
Հետևեք մեզ տելեգրամում
