ՄԱԿ-ում Ռուսաստանի մշտական ներկայացուցիչ Վասիլի Նեբենզյան հայտարարել է, որ սիրիական ճգնաժամի շուրջ Աստանայի ձևաչափով հաջորդ հանդիպումը կայանալու է տարեվերջին:
«Սիրիական ճգնաժամի լուծման համար գործող Աստանայի ձևաչափը ներառում է միջազգային ամենաարդյունավետ մեխանիզմները: Ռուսաստանն իր հերթին հույս ունի այս ֆորմատով հանդիպում կազմակերպել տարեվերջին»,- հայտարարել է ՌԴ ներկայացուցիչը:
Ռուս պաշտոնյան ավելացրել է, որ կան անվտանգային սպառնալիքներ ոչ միայն Սիրիայի, այլև տարածաշրջանի համար՝ նկատի ունենալով ահաբեկչական խմբավորումների առկայությունն Իդլիբում, Եփրատի արևելյան ափին և Ալ-Թանֆում:
Նշենք, որ հունիսի 15-16—ին տեղի էր ունեցել Աստանայի ձևաչափով 18-րդ հանդիպումը: Հանդիպման ավարտին ընդունվել էր համատեղ հայտարարություն, որով հաստատվել էր երաշխավոր երկրների (Ռուսաստան, Թուրքիա և Իրան) հանձնառությունը Սիրիայի ինքնիշխանության, անկախության, միասնության և տարածքային ամբողջականության պահպանմանը՝ ՄԱԿ-ի Կանոնադրության սկզբունքներին համապատասխան:
Հետևեք մեզ տելեգրամում
