Սաուդյան Արաբիայի թագավոր Սալման բըն Աբդուլազիզ Ալ-Սաուդը շնորհավորական ուղերձ է հղել Ռեջեփ Թայիփ Էրդողանին Թուրքիայում օգոստոսի 30-ին նշվող «Հաղթանակի տոն»-ի կապակցությամբ: Այդ մասին տեղեկացրել է Սաուդյան Արաբիայի թագավորության արտգործանախարարությունը:
Ուշագրավ է, որ վերջին անգամ Սաուդյան Արաբիան Թուրքիային այս տոնի կապակցությամբ շնորհավորել էր 2018-ին, երբ երկու երկրների հարաբերությունները բավական բարձր մակարդակի էին:
Հետագայում երկու երկրների հարաբերությունները խիստ լարվեցին Ստամբուլում սպանված սաուդցի լրագրող Ջեմալ Խաշոկջիի դեպքի պատճառով: Մեկ ամիս առաջ էլ Թուրքիայի նախագահը աշխատանքային այց էր կատարել Սաուդյան Արաբիա և հայտարարել, որ երկու երկրները նոր էջ են բացում երկկողմ հարաբերություններում:
Հետևեք մեզ տելեգրամում
