Իրանցի լրագրող. հայ-իրանական սահմանին գտնվող զինված ուժերը բերված են պատրաստվածության ամենաբարձր աստիճանի

Իրանական «Pars Today» լրատվական գործակալության հայալեզու բաժնում տեղեկություն է տարածվել, թե ԻՀՊԿ-ի ցամաքային զորքերի հրամանատար Մոհամմադ Փաքփուրը այցելել է Իրանի հյուսիսարևմտյան սահմանամերձ շրջաններ։

Հրապարակման մեջ նշվել է, որ ԻՀՊԿ-ի ցամաքային զորքերի հրամանատարն այդ այցելության ժամանակ հայտարարել է, որ Ադրբեջանի, Հայաստանի և Նախիջևանի հետ սահմանին գտնվող ստորաբաժանումների պատրաստվածությունը շատ բարձր է։
Իրանցի լրագրող Սալար Սեյֆոդդինին ևս «Twitter»-ի իր միկրոբլոգում գրել է, որ հայ-իրանական սահմանին Իրանի զինված ուժերը բերված են պատրաստվածության ամենաբարձր աստիճանին։

Սակայն ուշագրավ է, որ իրանական պարսկալեզու լրատվական ալիքներում չի հանդիպում նման տեղեկություն: Նշվում է միայն, որ գեներալ Փաքփուրը այցելել է Իրան-Իրաք Չազաբեհ սահմանային անցակետ։