Վրաստանի, Ադրբեջանի և Թուրքիայի հատուկ նշանակության ուժերի ներկայացուցիչները «Կովկասյան արծիվ-2022» միջազգային զորավարժությունների շրջանակում Վազիանիի զորադաշտում ցուցադրական զորավարժանք են կատարել։ Այս մասին այսօր տեղեկացրել է Վրաստանի պաշտպանության նախարարության մամուլի ծառայությունը։
«Այսօր տեղի են ունեցել ցուցադրական զորավարժություններ, որոնց մասնակցել են Ադրբեջանի, Վրաստանի և Թուրքիայի էլիտար ստորաբաժանումները և իրականացրել են ռազմական գործողություն։ Այդօրինակ զորավարժությունները նպաստում են երկրների հատուկ ուժերի համատեղելիության բարձրացմանը և փորձի փոխանակմանը, ինչը կարևոր է մեր տարածաշրջանի մարտահրավերների համատեքստում»,- մամուլի ծառայությունը մեջբերել է Վրաստանի Հատուկ գործողությունների ուժերի փոխհրամանատար Գեորգի Շերազադիշվիլու խոսքերը։
Նշենք, որ «Կովկասյան արծիվ-2022» զորավարժությունները մեկնարկել են հոկտեմբերի 11-ից։ Զորավարժություններն ամենամյա են և իրականացվում են փոխատեղման սկզբունքով։ Անցած տարի դրանք տեղի էին ունեցել Թուրքիայում։
Հետևեք մեզ տելեգրամում
