Իսրայելի պաշտպանության նախարար Բեննի Գանցը հայտարարել է, որ Իսրայելը չի նախատեսում զինամթերք ուղարկել Ուկրաինա:
Գանցը շեշտել է, որ Իսրայելը շարունակելու է Ուկրաինային հումանիտար աջակցություն տրամադրելու քաղաքականությունը:
Նախարարը հավելել է, որ Իսրայելը կարող է աջակցել ՈՒկրաինային օդային և այլ սպառնալիքների ահազանգման խելացի համակարգերի կառուցման և մատակարարման գործընթացում:
«Այնումենայնիվ, կցանկանայի ընդգծել, որ Իսրայելը զինամթերք չի փոխանցելու Ուկրաինային՝ ելնելով օպերատիվ տարբեր նկատառումներից։ Մենք կշարունակենք աջակցել Ուկրաինային մեր սահմանափակումների շրջանակներում, ինչպես արել ենք մինչ այժմ»,- ասել է Գանցը։
Նշենք, որ Իսրայելի քաղաքական և հասարակական շրջանակներում տևական ժամանակ է քննարկվում էր Ուկրաինային սպառազինություն տրամադրելու հարցը: Մտավախություն էր տիրում այն առումով, որ նման քայլը կարող է ազդել Ռուսաստանի հետ հարաբերությունների վրա, քանզի վերջինս ռազմական մեծ ներկայություն ունի Սիրիայում:
Հետևեք մեզ տելեգրամում
