Իրանը հստակ ուղերձ է հղում, որ ոչ մի կերպ չի ընդունի պատմաաշխարհագրական սահմանների փոփոխությունը։ Այս մասին ասել է Հայաստանում Իրանի նախկին դեսպան Ալի Սաղաիանը՝ «ISNA» լրատվական կայքին տված հարցազրույցում։
Այս համատեքստում Իրանի նախկին դեսպանը խոսել է հյուսիսային հարևանների հետ Իրանի որդեգրած քաղաքականության մասին և նշել, որ արտատարածաշրջանային ուժերը մտադիր են փոխել տարածաշրջանի աշխարհաքաղաքականությունը։ Այս համատեքստում Իրանը հստակ ուղերձ է հղում, որ ոչ մի կերպ չի ընդունի պատմաաշխարհագրական սահմանների փոփոխությունը։
Սաղաիանն անդրադարձել է նաև Իրանի արտգործնախարարի՝ Հայաստան կատարած այցին։
«Կապված այն նոր իրողությունների հետ, որոնց մենք ականատես ենք լինում մեր հարևանների հետ արտաքին քաղաքականության մեջ, Աբդոլլահիանի այցը Երևան և Իրանի դիրքորոշումների հայտարարումը բարեկամության ուղերձ էր թե՛ Բաքվի, թե՛ Երևանի համար»,- հավելել է նախկին դեսպանը։
Նա նշել է, որ Իրանը միշտ ձգտել է խաղաղության և կայունության, հատկապես արցախյան հակամարտության հարցում։
Հետևեք մեզ տելեգրամում
