Հայաստանի ԱԳ նախարար Արարատ Միրզոյանը ցավակցություն է հայտնել իր թուրք գործընկերոջը՝ Մևլութ Չավուշօղլուին Ստամբուլում տեղի ունեցած ահաբեկչական ակտի կապակցությամբ։
Թվիթերում Միրզոյանը գրել է, որ անկեղծ ցավակցություն է հայտնում Ստամբուլում տեղի ունեցած մահացու պայթյունի զոհերի ընտանիքներին, իսկ վիրավորներին մաղթում է շուտափույթ ապաքինում։
Նշենք, որ Թուրքիայի արդարադատության նախարարը հայտարարել է, որ Ստամբուլում տեղի ունեցած պայթյունը գնահատում են որպես ահաբեկչական ակտ, որի համար պատասխանատուներին կպարզեն քննությամբ:
Ստամբուլի կենտրոնում տեղի ունեցած պայթյունի հետեւանքով մահացել է 6 մարդ, տուժել` 81-ը:
Հետևեք մեզ տելեգրամում
