ԱՄՆ կոնգրեսական Ադամ Շիֆը դատապարտել է Բևերլի Հիլզում հայերի նկատմամբ ատելություն սերմանող պաստառների տարածումը:
«Շոկ էր տեսնել հայերի հանդեպ ցեղասպանություն քարոզող պաստառներ: Մենք բոլորս պետք է խստորեն դատապարտենք այս մոլեռանդությունը:
Հայաստանն ու Արցախը կանգնած են Ադրբեջանի կողմից պատերազմի իրական վտանգի առաջ: Համայնքը կարիք ունի աջակցության, այլ ոչ թե ատելության»,- «Twitter»-ում գրել է Շիֆը:
Նշենք, որ հունվարի 28-ին ԱՄՆ-ում բնակվող հայերը Լոս Անջելեսում Ադրբեջանի հյուպատոսության դիմաց բողոքի ակցիա էին կազմակերպել՝ Բաքվի կողմից Արցախի անօրինական շրջափակման համար բողոքի ձայն բարձրացնելով:
Երբ ցուցարարները մոտեցել են Ադրբեջանի հյուպատոսությանը, նկատել են փողոցի լուսացույցերի վրա փակցված հակահայկական պաստառները՝ հետևյալ գրություններով. «Ադրբեջան+Թուրքիա+Պակիստան+ Իսրայել = 4 եղբայրներ, որոնք Հայաստանը կջնջեն քարտեզի վրայից: Ինշալլահ»:
Հետևեք մեզ տելեգրամում
