Վրաստանի պաշտպանության նախարար Ջուանշեր Բուրճուլաձեն Թուրքիա կատարած այցի շրջանակներում Կարսում հանդիպել է թուրք և ադրբեջանցի գործընկերների հետ՝ Ադրբեջան-Թուրքիա-Վրաստան եռակողմ համագործակցության ձևաչափով։ Այս մասին հաղորդագրություն է տարածել Վրաստանի պաշտպանության նախարարությունը:
Նշվել է, որ կողմերը քննարկել են տարածաշրջանային մարտահրավերներին և պաշտպանության ոլորտում համագործակցությանն առնչվող հարցեր։
Կարևորվել է համատեղ զորավարժությունների անցկացումը, որոնք էլ ավելի են մերձեցնում երեք երկրների ռազմական համագործակցությունը։ Նշվել է, որ պաշտպանության ոլորտում եռակողմ համագործակցությունը նպաստում է տարածաշրջանի կայունությանը։
Նշենք, որ Վրաստանի պաշտպանության նախարար Ջուանշեր Բուրճուլաձեն ներկա է գտնվել «Ձմեռ 2023» ձմեռային զորավարժությունների պատվավոր հյուրերի օրվան։
Հետևեք մեզ տելեգրամում
