Վրաստանի վարչապետը ցավակցություն է հայտնել Էրդողանին երկրաշարժի զոհերի կապակցությամբ

Վրաստանի վարչապետ Իրակլի Ղարիբաշվիլին հանդիպել է Թուրքիայի նախագահ Ռեջեփ Թայիփ Էրդողանի հետ։

Ցավակցություն հայտնելով Էրդողանին Թուրքիայում երկրաշարժի հետևանքով զոհերի կապակցությամբ՝ Ղարիբաշվիլին նշել է, որ Վրաստանը կանգնած է բարեկամ թուրք ժողովուրդի կողքին և պատրաստ է ցուցաբերել ցանկացած օգնություն։

Հանդիպմանը կարևորվել է վրացի փրկարարների մասնակցությունը երկրաշարժի հետևանքների վերացմանն ու փրկարարական աշխատանքներին, ինչպես նաև Վրաստանի կողմից ցուցաբերվող մարդասիրական օգնությունը։

Ռեջեփ Թայիփ Էրդողանը շնորհակալություն է հայտնել Իրակլի Ղարիբաշվիլիին դժվար պահին ցուցաբերած անհապաղ օգնության համար։