Վրաստանի խորհրդարանում պատգամավորների միջև ծեծկռտուք է տեղի ունեցել:
Ինչպես գրում են վրացական ԶԼՄ-ները, ծեծկռտուքը սկսվել է խորհրդարանի արտաքին հարաբերությունների և պաշտպանության հանձնաժողովների համատեղ նիստի ընթացքում:
Ծեծկռտուքն ու վիճաբանությունը շարունակվել են նիստերի դահլիճից դուրս, որտեղ ընդդիմության ներկայացուցիչները փորձել են նիստի հրավիրել լրատվամիջոցների և հասարակական սեկտորի ներկայացուցիչներին, ինչի հետևանքով առերեսվել են մանդատուրայի հետ։
Նշենք, որ նախատեսվում էր քննարկել «Ժողովրդի ուժ» շարժման նախաձեռնած «Օտարերկրյա ազդեցության թափանցիկության մասին» աղմկահարույց օրինագծը։
Հետևեք մեզ տելեգրամում
