Իրանի առողջապահության նախարարության տվյալների համաձայն՝ վերջին 24 ժամում արձանագրվել է նոր կորոնավիրուսով վարակման 835 դեպք, որից 11-ը մահվան ելքով:
Ընդհանուր առմամբ Իրանում կորոնավիրուսով վարակվել է 2336 մարդ, որից 77-ը մահացել է: Ապաքինվել է 435 հիվանդ:
Նշվում է, որ Իրանում շարունակում են կորոնավիրուսով վարակվել բարձրաստիճան պաշտոնյաներ։ Իրանի խորհրդարանի փոխնախագահը հայտարարել է, որ 23 պատգամավորի մոտ Сovid-19 կորոնավիրուս է հայտնաբերվել։
Իրանի կառավարության մամուլի խոսնակի Ալի Ռաբիեին էլ հայտնել է, որ Իրանում մինչև մարտի 8-ը դպրոցներում և այլ ուսումնական հաստատություններում դասերը հետաձգվել են։ Խոսնակը նաև նշել է, որ հնարավոր է արձակուրդները երկարաձգվեն մինչև մարտի 20-ը։
Հետևեք մեզ տելեգրամում
