Aljazeera-ն, հղում կատարելով իսրայելական «Channel 13» հեռուստաալիքին, գրում է, որ Իսրայելի Քնեսեթի (խորհրդարանի) անդամներն ու վարչապետ Բենիամին Նեթանյահուի «Լիկուդ» կուսակցության անդամ-նախարարները «քննարկում են Նեթանյահուի պաշտոնանակության հարցը՝ անվստահության քվե ներկայացնելով»:
Հեռուստաալիքը նշել է, որ վերջին շրջանում այս հարցը թեև մասնավոր հանդիպումների ժամանակ չէր բարձրաձայնվում, սակայն վերջին օրերին դրան ավելի շատ է ուշադրություն հատկացվում:
Հեռուստաալիքի տեղեկություններով՝ վերոնշյալ գործընթացի վերաբերյալ «Լիկուդ» կուսակցության անդամ-պատգամավորների հիմնավորումն այն է, որ եթե Նեթանյահուն մնա իշխանության և կուսակցության ղեկավարմանը, իսկ Իսրայելը գնա ընտրությունների, ապա «Լիկուդի» հնարավոր պարտության դեպքում, նրանցից շատերն այլևս քաղաքական համակարգի կարևորագույն մասը չեն կարող մնալ:
Հետևեք մեզ տելեգրամում
