Իրաքի նախագահ Աբդուլ Լատիֆ Ռաշիդն ընդունել է Ադրբեջանի տրանսպորտի և թվային զարգացման նախարար Ռաշադ Նաբիևին և նրան ուղեկցող պատվիրակությանը: Տեղեկությունը հայտնում է իրաքյան պետական լրատվամիջոցը:
Հանդիպման ընթացքում քննարկվել են երկկողմ հարաբերությունների խորացման, ինչպես նաև գիտության, ժամանակակից տեխնոլոգիաների, կապի և մշակույթի ոլորտներում Իրաքի և Ադրբեջանի միջև գործընկերության ամրապնդման ուղիները։
Իրաքի նախագահն անդրադարձել է «ներդրումային հնարավորություններից օգտվելու և ադրբեջանցի գործարարներին Իրաքում աշխատելու խրախուսման կարևորությանը, որը նպաստում է մասնավոր հատվածի զարգացմանը և նրա դերի ակտիվացմանը իրաքյան տնտեսության զարգացման գործում»:
Իր հերթին ադրբեջանցի նախարարը մատնանշել է «իր երկրի ցանկությունը՝ շարունակել համագործակցությունը կրթության բնագավառում»:
Հետևեք մեզ տելեգրամում
