Մարտի 6-ին Սիրիայում սպանվել է Իրանի Իսլամական հեղափոխության պահապանների կորպուսի (ԻՀՊԿ) բարձրաստիճան զինվորական Ֆարհադ Դաբիրիանը: Այս մասին հայտնել է իրանական «Ֆարսնյուզ» լրատվական գործակալությունը:
Դաբիրիանը ներկայացվում է որպես «Սաիդա Զեյնաբ սրբավայրի» պաշտպան, որը գտնվում է Դամասկոսի հարավարևմտյան մասում: Նշվում է նաև, որ նախկինում նա եղել է Սիրիայի Պալմիրա քաղաքում իրանական զորախմբի հրամանատարը:
Համացանցում կա նաև Դաբիրիանի լուսանկարը՝ Լիբանանում տեղակայված մերձիրանական «Հիզբալլահ» շարժման առաջնորդ Հասան Նասրալլահի հետ: Սպանության համար դեռևս ոչ ոք պատասխանատվություն չի վերցրել:Նշենք նաև, որ պաշտանական Թեհրանը հերքում է իր ռազմական ներկայությունն այդ երկրում: Իրանցի պաշտոնյաները նշում են, որ Թեհրանը Սիրիայում չունի մարտական ստորաբաժանումներ, ու Սիրիայում եղած զինծառայողները միայն «ռազմական խորհրդատուներ են»։
Հետևեք մեզ տելեգրամում
