Իրանի արտգործնախարարությունը դատապարտել է երկրի Սերավանի շրջանի ուղղությամբ Պակիստանի հասցրած հարվածները:
«Իրանը հավատարիմ է Իրանի ու Պակիստանի ժողովուրդների ու կառավարությունների միջև եղբայրության ու բարիդրացիության քաղաքականությանը և թույլ չի տա, որ թշնամիները սրեն երկու երկրների եղբայրական ու լավ հարաբերությունները»,- ասված է ԱԳՆ-ի տարածած հաղորդագրության մեջ:
Հաղորդագրության մեջ նշվել է, որ մարդկանց անվտանգությունն ու երկրի տարածքային ամբողջականությունը Թեհրանի կարմիր գիծն են, իսկ Պակիստանից ակնկալվում է, որ հավատարիմ կմնան Պակիստանի տարածքում ահաբեկիչների ու նրանց դիրքերի տեղակայումը կանխելու հարցում իրենց պարտավորություններին:
Ընդգծվել է, որ Իրանի հրթիռային հարվածները հասցվել էին ահաբեկիչների դիրքերին՝ կանխելու հերթական պլանավորված ահաբեկչությունն Իրանի տարածքում:
Հետևեք մեզ տելեգրամում
