Ռամադան տոնակատարության զարդարանքները Սաուդյան Արաբիայի Ջիդդա քաղաքը դարձրել են դյութիչ և խորհրդանշական:
Ծովափնյա այս քաղաքի առևտրի կենտրոնները, հյուրանոցներն ու խանութները այս տարի ուշագրավ կերպարանափոխման են ենթարկվել՝ ստեղծելով տոնական տրամադրություն բնակիչների և այցելուների համար:
Շատ խանութներ զարդարված են լապտերներով, իսկ ոսկեգույն կիսալուսինների տեսքը կրող դեկորացիաները առավել ջերմություն և հանգստություն են հաղորդում քաղաքին: Գնորդներն ամեն քայլափոխի կարող են հանդիպել «գայթակղիչ գործարքների», զեղչերի, մրցանակների և ինտերակտիվ մրցույթների:
Կիսալուսինները, շողշողացող լույսերը և «խայամիյա» կոչվող երկրաչափական տպագրությամբ գործվածքները զարդարել են ամբողջ քաղաքը Ռամադանի համար:
Ռամադանի ընթացքում հատկապես ակտիվացել է Ջիդդա քաղաքի Ալ-Բալադ թաղամասը շուկայական աշխույժ տաղավարներով, խանութներով և մշակութային ներկայացումներով, որոնք տոնական մթնոլորտ են ստեղծում ընտանիքների համար՝ բացահայտելու ավանդույթները, միաժամանակ պահքի ավարտից առաջ և հետո միասին ընթրելու համար:
Իսկ թե ի՞նչ տոն է Ռամադանը, կարող եք կարդալ այստեղ:
Հետևեք մեզ տելեգրամում
