Իսրայելի առողջապահության նախարարությունը հայտարարել է, որ մարտի 17-ին երկրում կորոնավիրուսի ևս 20 նոր դեպք է հաստատվել։ Այսպիսով, վարակակիրների ընդհանուր թիվը հասել է 324-ի։
Նախարարության կողմից տարածված գրավոր հայտարարության համաձայն՝ հիվանդներից 5-ի վիճակը ծանր է, իսկ 11-ը բուժվել են։ Նախարարությունը կորոնավիրուսի տարածումը կանխարգելող միջոցառումների շրջանակներում մի շարք նոր միջոցներ է հրապարակել։
Մասնավորապես կոչ է արվել հանրությանը՝ առանց խիստ անհրաժեշտության դուրս չգալ տանից։ Երկրում արգելվել է նաև ծովափ, լողավազան և քաղաքային զբոսայգիներ այցելել։ Մարտի 15-ից փակվել են գրեթե բոլոր առևտրային հիմնարկները՝ բացառությամբ սննդի խանութների, դեղատների, բենզալցակայանների և բանկերի։
Հետևեք մեզ տելեգրամում
