ԱՄՆ-ը շարունակում է Իրանի դեմ առավելագույն ճնշում գործադրելու քաղաքականությունը։ Պետքարտուղար Մայք Պոմպեոն մամուլի ասուլիսի ժամանակ հայտնել է, որ պետքարտուղարությունը «սեւ ցուցակի» մեջ է ընդգրկել Հարավային Աֆրիկայում, Հոնկոնգում եւ Չինաստանում գտնվող ինը հաստատությունների, ինչպես նաեւ իրանցի մասնավոր անձանց՝ իրանական նավթաքիմիական ապրանքների առեւտրի «զգալի գործարքների համար»։
Բացի այդ, ԱՄՆ առեւտրի նախարարությունը հայտարարել է, որ «սեւ ցուցակում» կավելացնի վեց մարդու, այդ թվում՝ հինգ իրանցի միջուկագետ-գիտնականների, եւ 18 ընկերությունների՝ Իրանի միջուկային ծրագրին, Պակիստանի չպաշտպանված միջուկային եւ հրթիռային ծրագրերին եւ ռուսական ռազմական արդիականացման ջանքերին օգնելու համար։
Թեև այդ ընկերությունների անունները չեն նշվել, սակայն հայտնի է, որ դրանցից մեկը գտնվում է Իրանում, երկուսը՝ Չինաստանում, ինը՝ Պակիստանում եւ հինգը՝ ԱՄԷ-ում։ ԱՄՆ-ը կսահմանափակի որոշակի ապրանքների արտահանումը նրանց համար։
Հետևեք մեզ տելեգրամում
