Թուրքիայի նախագահի արտաքին քաղաքականության և անվտանգության հարցերով գլխավոր խորհրդական Աքիֆ Չաղաթայ Քըլըչն ընդունել է ԱՄՆ պետդեպի Կովկասի բանակցությունների հարցերով ավագ խորհրդական Լուիս Բոնոյին։
Թուրքիայի նախագահականում կայացած հանդիպմանը քննարկում է ծավալվել Կովկասում կայունության բարձրացման և Ադրբեջան-Հայաստան գործընթացի շուրջ։
Ավելի վաղ Ադրբեջանի արտգործնախարար Ջեյհուն Բայրամովն էր հանդիպել Բոնոյի հետ:Հանդիպմանը կողմերը մտքեր էին փոխանակվել ԱՄՆ-ի և Ադրբեջանի միջև երկկողմ և բազմակողմ համագործակցության օրակարգի տարբեր հարցերի, ինչպես նաև տարածաշրջանային գործընթացների շուրջ:
Ադրբեջանի ԱԳՆ հաղորդագրության համաձայն՝ Բայրամովը Բոնոյին ներկայացրել էր տարածաշրջանում առկա իրավիճակը, Հայաստանի և Ադրբեջանի միջև բանակցությունները, ինչպես նաև «խաղաղության օրակարգի» շուրջ վերջին ձեռքբերումները:
Հետևեք մեզ տելեգրամում
