Արաբական Միացյալ Էմիրությունների նախագահ շեյխ Մուհամմադ բին Զայեդ Ալ-Նահյանն ընդունել է Աֆղանստանի ներքին գործերի նախարար Սիրաջուդդին Հաքքանիին և նրան ուղեկցող պատվիրակությանը: Տեղեկությունը հայտնում է էմիրաթական պետական լրատվամիջոցը:
Հաղորդվել է, որ կողմերը քննարկել են երկկողմ հարաբերություններին և տարածաշրջանային կայունությանն առնչվող հարցերի շրջանակ:
«Քննարկումները ներառել են տնտեսական և զարգացման ոլորտներն, ինչպես նաև Աֆղանստանի վերականգնմանն ու զարգացմանն աջակցելուն առնչվող հարցեր», – հաղորդում է լրատվամիջոցը:
Նշենք, որ Տալիբանն Աֆղանստանում իշխանության է եկել 2021 թվականի օգոստոսին: Ոչ մի պետություն չի ճանաչում տալիբների կառավարությունը, սակայն որոշները՝ օրինակ Չինաստանն ու Հնդկաստանը շարունակում են համագործակցել Աֆղանստանի ներկայիս կառավարության հետ:
Հետևեք մեզ տելեգրամում
