Վրաստանի վարչապետ Իրակլի Կոբախիձեն հայտարարել է, որ վրաց-ամերիկյան հարաբերությունները վերսկսման ու բարելավման կարիք ունեն: Այս մասին նա ասել է լրագրողների հետ զրույցում՝ հավելելով, որ իրենք ամեն ինչ կանեն այս ուղղությամբ։
Վրաստանի վարչապետի խոսքով՝ պաշտպանության ոլորտում վրաց-ամերիկյան համագործակցության շարունակականությունը հավասարապես կարևոր է ինչպես վրացական, այնպես էլ ամերիկյան կողմի համար։
«Այդ պատճառով, ես չգիտեմ, թե արդյոք նրանք մտադիր են ինչ-որ բան նվազեցնելու այս առումով, դա նույնքան վնասակար կլինի մեր երկրի և ամերիկյան կողմի շահերի համար, կարծում եմ, որ բոլորը պետք է պրագմատիկ գործեն։ Մեր շահն ու ցանկությունն է բարելավել վրաց-ամերիկյան հարաբերությունները», – ընդգծել է Կոբախիձեն։
Նա բարձր է գնահատել Վրաստանում ԱՄՆ ներկայիս դեսպանի գործունեությունը, ի տարբերություն ԱՄՆ նախկին դեսպանների։
Հետևեք մեզ տելեգրամում
