Իրանի Արևելյան Ատրպատականի Նորդուզի և Հայաստանի Մեղրիի մաքսային մարմինների միջև համատեղ հանդիպում է կայացել: Տեղեկությունը փոխանցում է իրանական IRNA լրատվամիջոցը:
Հանդիպման ընթացքում Նորդուզի մաքսատան տնօրենը, մատնանշելով Նորդուզի սահմանին ապրանքներ տեղափոխող վարորդների կողմից բարձրացված խնդիրները, ընդգծել է հայկական կողմից բեռնատարների ընդունման հնարավորությունները մեծացնելու անհրաժեշտությունը։
Հանդիպման ընթացքում կողմերը անդրադարձել են մաքսանենգության դեմ պայքարում կանխարգելիչ մաքսային միջոցառումների իրականացմանը՝ շեշտելով, որ կարևոր է կենտրոնական մաքսատան կողմից երկու երկրների սահմանային մաքսակետերի միջև տեղեկատվության և մաքսային փաստաթղթերի փոխանակման համար անհրաժեշտ հարթակների ստեղծումը։
Հետևեք մեզ տելեգրամում
