Հայաստանի և Ադրբեջանի միջև խաղաղության պայմանագրի նախագծի մեծ մասն արդեն համաձայնեցված է, ու պակասում է միայն վերջնագիծն անցնելու քաղաքական կամքը: Այս մասին JAMnews-ին տված հարցազրույցում ասել է Հարավային Կովկասի և Վրաստանի ճգնաժամի հարցերով ԵՄ հատուկ ներկայացուցիչ Տոյվո Կլաարը:
«Փաստը, որ նրանք չհանդիպեցին Բրիտանիայում վերջերս կայացած գագաթնաժողովի ժամանակ, հիշեցում է նաև, թե որքան փխրուն է դեռևս գործընթացը»,- շարունակել է Տոյվո Կլաարը:
ԵՄ հատուկ ներկայացուցչի խոսքով՝ 2020թ․ պատերազմից հետո ԵՄ-ն սկսեց ավելի նշանակալի դեր խաղալ, որը գագաթնակետին հասավ Եվրոխորհրդի նախագահ Միշելի, Փաշինյանի և Ալիևի միջև բարձր մակարդակի եռակողմ հանդիպումների շարքով:
Հետևեք մեզ տելեգրամում
