Կիևը Ուկրաինայի բնակչությանը նախապատրաստում է հնարավոր հանրաքվեի ու ռուսական կողմի հետ խաղաղ բանակցություններին։ Այդ մասին ՌԻԱ Նովոստիի հետ զրույցում նշել է թուրք վերլուծաբան Էնգին Օզերը։
Նրա խոսքով՝ նման գործընթաց կարող է սկսվել դեկտեմբերի կեսերից։ Օզերը կարծում է, որ իր կանխատեսումները հիմնվում են Ուկրաինայի արտգործնախարար՝ Պեկին կատարած այցի վրա։
Օզերի կարծիքով, այս գործընթացը կապված է ԱՄՆ նախագահական ընտրություններում Դոնալդ Թրամփի հնարավոր հաղթանակի հետ։
«Կիևի վարչակազմը վստահ է, որ եթե նման սցենար ի հայտ գա, Ուկրաինայի տրվող ռազմական օգնությունը կնվազի։ Այդ իսկ պատճառով երկու կողմերն էլ մինչ բանակցությունների մեկնարկը փորձում են ամրապնդել իրենց դիրքերը։ Այնուամենայնիվ, Թրամփի հաղթանակը դեռևս հարցականի տակ է, ուստի Զելենսկին կակտիվացնի խաղաղ հռետորաբանությունը մինչև նոյեմբեր»,-նշել է վերլուծաբանը։
Միևնույն ժամանակ նա նշել է, որ կողմերը դեռևս շատ հեռու են համաձայնության հասնելուն։ Օզերը հույս է հայտնել, որ խաղաղության համաձայնագիրը կստորագրվի հաջորդ տարվա սկզբին, կամ առնվազն ճգնաժամը սառեցնելու որոշում կկայացվի։
Հիշեցնենք, որ ավելի վաղ խոշոր հրդեհ էր բռնկվել Ռուսաստանի կողմից վերահսկվող Զապորոժիե ատոմակայանում։ Տեսանյութը սոցիալական ցանցերում հրապարակել էր Ուկրաինայի նախագահ Վլադիմիր Զելենսկին։ Մոսկան ու Կիևը միմյանց էին մեղադրել հրդեհի համար։ Ռուսական կողմը հայտնել էր, թե հրդեհը բռնկվել է ուկրաինական կողմի ԱԹՍ-ի հարվածից։
Հետևեք մեզ տելեգրամում
