Ադրբեջանի կենտրոնական ընտրական հանձնաժողովի նախագահ Մազահիր Պանախովի փոխանցմամբ՝ սեպտեմբերի 1-ին կայացած խորհրդարանական ընտրությունների քվեարկությանը մասնակցել է 2 մլն 196 հազար 711 ընտրող, ինչը կազմում է 37, 27 տոկոս։
Նախնական արդյունքների համաձայն՝ Ադրբեջանում իշխող «Նոր Ադրբեջան» կուսակցությունը կստանա խորհրդարանի 125 մանդատներից 68-ը։
Նշվում է, որ էքզիթփոլի արդյունքներով ընդդիմադիր «Մուսավաթ» կուսակցությունը բավարար ձայներ չի ստացել խորհրդարանում տեղ ունենալու համար։
Ուշագրավ է ԵԱՀԿ պատվիրակության գնահատականը։ Կազմակերպության զեկույցում նշվում է, որ ընտրությունների իրավական հիմքերը չեն համապատասխանում դեմոկրատական ընտրությունների ընտրոթյուններին։Սահմանափակված են Սահմանադրությամբ և այլ օրենքներով թույլատրված հավաքների և արտահայտման ազատությունը։ Զեկույցում ասվում է, որ ԿԸՀ-ն ստացված բողոքների մեծ մասը քննել է ըստ էության, սակայն հրավիրված կողմերի փաստարկներն այդպես էլ հաշվի չեն առնվել: Նշվում է, որ ԿԸՀ-ն ընդունել է նախապես պատրաստված որոշումներ և այդպիսով բողոքողներին զրկել ԵԱՀԿ պարտավորություններից և միջազգային պրակտիկայով նախատեսված դատավարական երաշխիքներից:
Հարկ է նշել, որ զեկույցը հրապարակվել է մինչև ընտրությունների ավարտը, ինչ դարձել է շահարկման առարկա։
Հետևեք մեզ տելեգրամում
