«Անհապաղ փակել ԱՄՆ-ի ռազմաբազաները». հակաամերիկյան ակցիաներ Թուրքիայում

Թուրքիայում  նոր թափ են ստացել հակաամերիկյան տրամադրությունները։

Ինչպես ավելի վաղ հայտնել էր Regionmonitor.com-ը, կոմունիստական ուղղվածության «Թուրքիայի երիտասարդական միության» (TGB) անդամները բռնություն էին կիրառել քաղաքում զբոսնող ամերիկացի զինվորականի նկատմամբ և պարկ քաշել նրա գլխին:

 Ամերիկացի զինվորականն  Իզմիրի նավահանգստում գտնվող ԱՄՆ-ի ամենամեծ ավիակիր ռազմանավի՝ «USS Wasp»-ի վրա ծառայություն իրականացնող անձնակազմի անդամ էր։ Նավը Միջերկրական ծովում մասնակցել էր Վաշինգտոնի կողմից կազմակերպված զորավարժություններին՝ ի պաշտպանություն Իսրայելի :

Այս դեպքից հետո Թուրքիայի ազգայնական մի շարք քաղաքացիներ իրականացրել են հակաամրիկյան ակցիա, դրանով իսկ համերաշխություն հայտնելով պաղեստենցիներին, ինչպես նաև դեմ արտահայտվելով ԱՄՆ-ի կողմից Իսրայելին ցուցաբերվող օգնությանը։

Ակցիայի ընթացքում ակցիայի մասնակիցները պահանջել են Թուրքիայի նախագահից, որ իրենց երկիրը դուրս գա ՆԱՏՕ-ից և բոլոր ամերիկյան ռազմաբազաները Թուրքիայի տարածքում անհապաղ փակվեն։