Ադրբեջանում պահվող հայերի գերիների ազատ արձակումը մեծապես կօգնի Երևանի և Բաքվի հաշտեցմանը։ Այս մասին լրագրողներին ասել է ՌԴ-ում Հայաստանի դեսպան Գուրգեն Արսենյանը։
«Նման քայլը մեծապես կօգնի հաշտեցմանը»,-նշել է Արսենյանը՝ հավելելով, որ գերիների ազատ արձակման հետ կապված մնացած հարցերը պետք է ուղղվեն ադրբեջանական կողմին։
Դեսպանի խոսքով, եթե Երևանն ու Բաքուն գնում են դեպի խաղաղության պայմանագիր և պատրաստվում են «ամբողջ աշխարհին հայտարարել, որ երկու պետություն, երկու ժողովուրդ կապրեն խաղաղության և համագործակցության մեջ», ապա պետք է սկսել քայլերից, որոնք «պետք է գնահատել»։
Հիշեցնենք, որ Ադրբեջանը պաշտոնապես հաստատել է, որ 23 հայ գերության մեջ է, և նրանցից 8-ը Արցախի ռազմաքաղաքական նախկին ղեկավարությունն է։
Հետևեք մեզ տելեգրամում
