Վրաստանի ԱԳՆ է կանչվել երկրում Մեծ Բրիտանիայի արտակարգ և լիազոր դեսպանը։ Այս մասին հայտնում է Վրաստանի արտգործնախարարությունը:
ԱԳՆ-ն տեղեկացրել է, որ դեսպանի հետ հանդիպմանն արտգործնախարար Մակա Բոճորիշվիլին վրացական կողմի մտահոգությունն է հայտնել վրացի պաշտոնյաների նկատմամբ պատժամիջոցներ կիրառելու կապակցությամբ։
Նշվում է, որ նման գործողությունները վնասում են երկու երկրի միջև առկա բարեկամությանը։
Նշենք, որ Մեծ Բրիտանիան պատժամիջոցներ է սահմանել վրացի 5 պաշտոնյայի նկատմամբ, ովքեր «պատասխանատու են մեդիայի ներկայացուցիչների և ցուցարարների նկատմամբ դաժան ճնշումների համար»։ Պատժամիջոցներ են սահմանվել՝ ՆԳ նախարար Վախթանգ Գոմելաուրիի, ՆԳ նախարարի տեղակալ Ալեքսանդրե Դարախվելաձեի,Թբիլիսիի ոստիկանապետ Սուլխան Թամազաշվիլիի, Հատուկ նշանակության ուժերի ղեկավար Զվիադ Խարազիշվիլիի և Հատուկ նշանակության ուժերի ղեկավարի տեղակալ Միլերի Լագազաուրիի նկատմամբ։
Պատժամիջոցները ներառում են ճանապարհորդական արգելքներ և ակտիվների սառեցում։
Հետևեք մեզ տելեգրամում
