Ազգային ժողովն առաջին ընթերցմամբ ընդունեց «ՀՀ օրհներգի մասին» օրենքում փոփոխություններ և լրացումներ կատարելու մասին նախագիծը:
Նախագիծն ուղղված է ՀՀ օրհներգի նկատմամբ միասնական ստանդարտ հաստատելուն՝ հստակեցնելով տեքստը, երաժշտությունը, տևողությունն ու այլ մանրամասներ։ Կողմ է քվեարկել 64 պատգամավոր, դեմ՝ 5։
Հիմնական նպատակը օրհներգի նկատմամբ միասնական մոտեցում ապահովելն է։
«Մենք պետք է հստակ իմանանք, թե որն է ՀՀ օրհներգը, ինչ տեքստով, ինչ երաժշտությամբ և ինչ նրբերանգներով»,- նշել է«Քաղաքացիական պայմանագիր» խմբակցության պատգամավոր Սիսակ Գաբրիելյանը՝ ներկայացնելով նախագիծը։
Նա ընդգծել է, որ տարբեր առիթներով օրհներգի տարբեր կատարումները հակասել են պաշտոնական տարբերակին։
Պատգամավորը նաև նշել է, որ նախորդ տարիներին օրհներգի պաշտոնական տարբերակը հրապարակված չի եղել, ինչը խնդիրներ է առաջացրել միջոցառումների ընթացքում։ Գաբրիելյանը հավելեց, որ առաջարկվող փոփոխություններով օրհներգի տեքստն ու երաժշտությունը կլինեն հստակ և հաստատված՝ կանխելով ցանկացած շփոթություն։
Նախագծով նախատեսվում է օրհներգի տեքստում որոշ փոփոխություններ. օրհներգը կսկսվի և կավարտվի Հայաստանի մասին խոսքերով։
Հետևեք մեզ տելեգրամում
