Ի՞նչ է տեղի ունեցել Ստամբուլի հայկական վարժարանում. հարձակվողները հարբած են եղել

Ստամբուլի Բաքըրքյո թաղամասում հարձակման ենթարկված շենքը Դադյան դպրոցի նախկին շենքն է եղել: Այս մասին գրում է «Ակոս» թերթը:

Թերթի տեղեկություններով՝ այդ շենքում վերջին տարիներին գործում է այլ՝ Անատոլիայի վարժարանը (Özel Kadro Anadolu Lisesi)։

Շենքը պատկանում է Բաքըրքյոյի Ծնունդ Սուրբ Աստվածածին եկեղեցու հիմնադրամին։ Հիմնադրամի նախագահ Մարի Յանջըն հայտնել է, որ տվյալ անձինք հարբած են եղել և կրակել են պատահական ուղղությամբ։

«Ակոս» թերթի խմբագիր Բագրատ Էստուկյանը ևս «Սպուտնիկ» գործակալության հայկական ծառայությանը հայտնել է, որ արդեն 10 տարի Դադյան վարժարանն այլ շենքում է գործում։