Այսօր՝ ապրիլի 14-ին Արցախի նախագահական ընտրությունների երկրորդ փուլի քվեարկության օրն է: ԱՀ Կենտրոնական ընտրական հանձնաժողովի նախագահ Սրբուհի Արզումանյանն ասել է, որ, ընդհանուր առմամբ, ձևավորվել են 282 ընտրատեղամասեր, որոնցից 281-ը բացվել են ժամը 8:00-ին։ Միայն Շուշիի քրեակատարողական հիմնարկում քվեարկության կսկսվի ժամը 11:00-ին:
Հիշեցնենք, որ մարտի 31-ին Արցախում տեղի ունեցած Նախագահական ընտրության արդյունքում թեկնածուներից և ոչ մեկը չի հաղթահարել բոլոր թեկնածուներին կողմ քվեարկած ձայների կեսից ավելին, ինչն էլ հիմք է հանդիսացել երկրորդ փուլի անցկացման: Արդյունքում՝ առավելագույն ձայներ հավաքած նախագահի երկու թեկնածուներ Արայիկ Հարությունյանը (49.26%) և Մասիս Մայիլյանն (26.4%) անցել են երկրորդ փուլ:
Ընդհանուր առմամբ, այսօր ընտրություններին մասնակցելու իրավունք ունի 103 հազար 637 քաղաքացի: Կազմավորվել են 282 ընտրատեղամասեր, որոնցից մեկը Երևան քաղաքում:
Հետևեք մեզ տելեգրամում
