Իսրայելի վարչապետ Բենյամին Նեթանյահուն տեսաուղերձի միջոցով հայտարարություն է արել՝ տեղեկացնելով կորոնավիրուսի դեմ պայքարի շրջանակներում երկրում առաջիկա օրերին ձեռնարկվելիք միջոցառումների մասին։
Նեթանյահուն տեղեկացրել է, որ ապրիլի 14-ի երեկոյան ժամերից սկսած մինչև ապրիլի 16-ի առավոտ երկրում կդադարեցվի միջքաղաքային հաղորդակցությունը։ Նույն ժամանակահատվածում երկրի ողջ տարածքում կսահմանվի պարետային ժամ։ Ապրիլի 15-ին տեղական ժամանակով ժամը 16։00-ից մինչև 16-ի գիշերվա ժամը 02։00-ը փակ կլինեն նաև հացի փռերն ու հաց վաճառող խանութները։
Հիշեցնենք, որ ավելի վաղ Նեթանյահուն հայտարարել է երկրում ապրիլի 7-10-ը համընդհանուր կարանտինային ռեժիմ մտցնելու մասին՝ իսրայելական Փեսախ տոնի հետ կապված, որը նշվում է ապրիլի 8-15-ը:
Նշենք, որ Իսրայելում այս պահի դրությամբ կորոնավիրուսով վարակվածների թիվը 11235 է, վիրուսից մահացել է 115 մարդ։
Հետևեք մեզ տելեգրամում
