ԱՄՆ նախագահ Դոնալդ Թրամփը սպառնացել է դադարեցնել աջակցությունը Եգիպտոսին և Հորդանանին, եթե վերջիններս պաղեստինցի փախստականներին չընդունեն:
Հարցին, թե արդյո՞ք Վաշինգտոնը կարող է հրաժարվել միլիարդավոր դոլարների ֆինանսական օգնություն տրամադրել Եգիպտոսին և Հորդանանին, եթե այս երկրները չընդունեն Գազայի հատվածի բնակիչներին, Թրամփը Սպիտակ տանը լրագրողներին ասել է.
«Այո: Գուցե դա հեշտ է: Ինչո՞ւ ոչ: Եթե նրանք չհամաձայնեն, ոչնչով չեմ կարող օգնել»:
Թրամփը վստահություն է հայտնել, որ Հորդանան ու արաբական մյուս երկրները չեն հրաժարվի ընդունել Գազայի հատվածի պաղեստինցի փախստականներին՝ հավելելով.
«Ես իսկապես կարծում եմ, որ Հորդանանի թագավոր Աբդուլլահ Երկրորդը կընդունի պաղեստինցիներին և կարծում եմ, որ այլ երկրներ նույնպես կընդունեն: Նրանք բարի սիրտ ունեն»:
Հետևեք մեզ տելեգրամում
