Սիրիայի նոր իշխանություններն ավարտել են հատուկ հանձնաժողովի ստեղծման գործընթացը, որը կնախապատրաստի երկրում այսպես կոչված «Սիրիայի ազգային երկխոսություն» համաժողովի անցկացումը։
Հանձնաժողովում ընդգրկված է յոթ մարդ, որից երկուսը՝ կին։ Հանձնաժողովը ստեղծվել է «Սիրիական բանակցային հանձնաժողովի» և «Սիրիայի հեղափոխական և ընդդիմադիր ուժերի ազգային կոալիցիայի» պատվիրակության հետ Սիրիայի նախագահ Ահմեդ ալ-Շարաայի հանդիպումից հետո։
Ալ-Շարաան հայտարարել է, որ այս համաժողովը «կհրապարակի վերջնական հայտարարություն, որը ճանապարհ կհարթի սահմանադրական հռչակագրի համար»։ Նրա խոսքով, «սահմանադրական հռչակագրի ձևակերպումը անհատական որոշում չի լինի, այլ կլինի ժողովրդի կամքն արտահայտող լայն խորհրդակցությունների արդյունք»:
Հետևեք մեզ տելեգրամում
