Եգիպտոսի նախագահ Աբդել Ֆաթահ աս-Սիսիի այցը Վաշինգտոն անորոշ ժամանակով հետաձգվել է: Տեղեկությունը հայտնում է Al Arabiya-ն։
Սիսին ի սկզբանե պետք է այցելեր Վաշինգտոն փետրվարի 18-ին, սակայն այցը հետաձգվել է, քանի որ Կահիրեն դեմ է Գազայի հատվածից պաղեստինցիներին Եգիպտոս և Հորդանան տեղափոխելու ԱՄՆ նախագահ Դոնալդ Թրամփի ծրագրրին:
Եգիպտոսի բարձրաստիճան պաշտոնյաները, ովքեր զրուցել են Al Arabiya-ի հետ, Վաշինգտոնի հետ հարաբերությունները բնութագրել են որպես «ամենալարվածը երեք տասնամյակների ընթացքում», իսկ Սիսին ավելի վաղ հայտարարել էր, որ Եգիպտոսը «չի կարող մասնակցել պաղեստինցի ժողովրդին տեղահանելու անարդարությանը»:
Եգիպտոսի նախագահը նաև հայտարարել է, թե կարելի է վերակառուցել Գազան՝ առանց պաղեստինցիներին տեղահանելու: Եգիպտոսի ԱԳՆ-ը հայտարարություն է տարածել՝ համաձայն որի պատրաստվում է ներկայացնել Գազայի հատվածի վերականգնման սեփական ծրագիրը, որը դեռևս երաշխավորում է պաղեստինցիների՝ իրենց հողում մնալու հնարավորությունը:
Հետևեք մեզ տելեգրամում
