Եվրամիությանն անդամակցելու ցանկությունը Հայաստանի ինքնիշխան իրավունքն է, սակայն մինչ այժմ այս երկրի ժողովուրդը շարունակում է դիվիդենդներ ստանալ Եվրասիական տնտեսական միությանը (ԵԱՏՄ) անդամակցությունից: Այս մասին ասել է ՌԴ նախագահի մամուլի քարտուղար Դմիտրի Պեսկովը:
Լրագրողները Պեսկովից մեկնաբանություն են խնդրել Հայաստանի ԱԺ-ում առաջին ընթերցմամբ ընդունված՝ ԵՄ-ին անդամակցության գործընթացի մեկնարկի օրինագծի վերաբերյալ։
Պեսկովի խոսքով՝ պետք է ուշադրություն դարձնել նաև Եվրամիությանն անդամակցության գործընթացի բարդությանը։
«Մենք շատ երկրների փորձ գիտենք, որոնք տասնամյակներով այս գործընթացի երկար հերթի մեջ են», – ասել է Կրեմլի խոսնակը։
Հիշեցնենք, որ ՀՀ Ազգային ժողովն այսօր՝ փետրվարի 12-ին, 63 կողմ, 7 դեմ ձայների հարաբերակցությամբ առաջին ընթերցմամբ ընդունեց «Եվրոպական միությանը Հայաստանի Հանրապետության անդամակցելու գործընթացի մեկնարկի մասին» օրենքի նախագիծը:
Հետևեք մեզ տելեգրամում
