Իրանի Իսլամական Հանրապետության պաշտպանության նախարար Ամիր Խաթամին հայտարարել է, որ ԱՄՆ-ի ուժերի ներկայությունը Պարսից ծոցի տարածաշրջանում սպառնում է Իրանի անվտանգությանը։ Այս մասին հայտնում է իրանական «ISNA» լրատվական գործակալությունը։
Խաթամին մասնավորապես ասել է․«Ամերիկացիների ապօրինի ներկայությունը սպառնալիք է Պարսից ծոցի անվտանգության համար։ ԱՄՆ-ը Իրանի սահմաններին է մոտենում աշխարհի այլ հատվածից »:
Նշենք, որ նախարարը արձագանքել էր Պարսից ծոցում տեղի ունեցած միջադեպին, երբ ամերիկյան և Իրանի ռազմանավերը մոտեցել էին իրար:
Ապրիլի 15-ին Միացյալ Նահանգների 5-րդ նավատորմի մամուլի ծառայությունը հայտնել էր, որ Իսլամական հեղափոխության պահապանների կորպուսի (ԻՀՊԿ) ռազմական նավերը վտանգավոր մանևրեր են կատարել Պարսից ծոցում գտնվող մի քանի ռազմանավերի մոտ:
Նշվում է, որ իրանական նավերը մինչև 9 մետր մոտեցել են ամերիկյան նավերին:
Հետևեք մեզ տելեգրամում
