Մարտի 22-ին Լիբանանում ՀՀ դեսպան Վահագն Աթաբեկյանն այցելել է լիբանանա-իսրայելական սահմանին գտնվող ՅՈՒՆԻՖԻԼ-ի կենտրոնակայան՝ մասնակցելու հայկական զորախմբի հերթափոխի արարողությանը: Այս մասին հայտնում է Լիբանանում ՀՀ դեսպանությունը:
Դեսպանը հանդիպում է ունեցել ՅՈՒՆԻՖԻԼ-ի Արևմտյան սեկտորի հրամանատար, բրիգադի գեներալ Նիկոլա Մանդոլեզիին, ով բարձր է գնահատել ՀՀ զորախմբի ծառայությունը լիբանանա-իսրայելական կոնֆլիկտի թեժ շրջանում՝ նշելով, որ հայկական զորախումբը շարունակել է իրականացնել պահակային ծառայությունը նույնիսկ այն ժամանակ, երբ խաղաղապահների մեծ մասը գտնվել են բունկերներում:
Վահագն Աթաբեկյանը ողջունել է հայ խաղաղապահներին՝ շնորհակալություն հայտնելով գերազանց ծառայության և Լիբանանում կայունության և խաղաղության հաստատման հարցում գործուն մասնակցության համար:
Հետևեք մեզ տելեգրամում
